Фонд грамадзянскага развіцця «Нацыя Лідэраў»

Фонд грамадзянскага развіцця «Нацыя Лідэраў» — арганізацыя, створаная беларусамі з мэтай падтрымання адукацыйных і даследчых ініцыятыў, накіраваных на развіццё моцнай грамадзянскай супольнасці свабоднай і незалежнай Беларусі

Наша місія

Садзейнічаць станаўленню актыўных удзельнікаў грамадзянскай супольнасці Беларусі

Нашы каштоўнасці

Агульныя для ўсяго чалавецтва

  • свабода (слова, выбару, волевыяўлення, фізічная)
  • чалавечае жыццё і годнасць
  • права, законнасць, справядлівасць

Асабліва важныя для нас, беларусаў і беларусак

  • устойлівасць і развіццё беларускай нацыі
  • Беларусь — незалежная і квітнеючая краіна, якая задае трэнды і тэндэнцыі цывілізацыйнага развіцця

У сваёй штодзённай працы мы кіруемся такімі, як:

  • бяспека
  • экалагічнасць
  • узаемная падтрымка, шацунак, талерантнасць
  • прафесіяналізм, інтэлект, самаразвіццё
  • эстэтыка і гармонія

Мы дапамагаем беларусам не апускаць рукі і працягваць развіццё ў актуальных для іх сферах, павышаць узровень ведаў і навыкаў, неабходных для пабудовы свайго жыцця і ўсёй дзяржавы

Наша арганізацыя была зарэгістраваная 9 жніўня 2021, у гадавіну прэзідэнцкіх выбараў, якія змянілі краіну і яе жыхароў. Мы стварылі фонд, каб падтрымаць праекты, якія займаюцца асветай актыўных грамадзян, іх аб'яднаннем у імкненні да здаровай дэмакратычнай дзяржавы

Заснавальнік: «Я хачу, каб мой народ быў упэўнены ў сабе, адчуваў сваю сілу і ведаў, як змяніць сваю дзяржаву. Каб ён мог развівацца і быць гаспадаром сваёй зямлі, а таксама свайго жыцця. Мне важна, каб беларусы хацелі вярнуцца на Радзіму з эміграцыі і адчувалі гонар за яе!»

Адчуваеце ў сабе сілы і жаданне дапамагчы нам у асвеце беларусаў? Вы можаце далучыцца да нашай каманды, запоўніўшы анкету:

  • для валанцёра (капірайтэра, рэдактара, мадэратара, дызайнера і інш.)
  • для партнёра   (эксперта, гатовага падрыхтаваць аўтарскі курс, правесці лекцыю, вебінар або майстар-клас, запрапанаваць любую іншую важную асветніцкую ініцыятыву)
TOP